6, నవంబర్ 2009, శుక్రవారం

శ్రీ రామచంద్ర హారతి పాట

నాకు చాలా ఇష్టమైన పాటల్లో ఇదొకటి. ఇది నాకే కాదు చాలా మందికి ఇష్టం. నాదగ్గర పాట ఉన్న పుస్తకాలు దాదాపు ఇరవై వరకూ ఉండాలి. అవన్నీ అందరూ తీసుకుపోగ చివరికి ఒకపుస్తకం మిగిలింది. అదికూడా జీర్ణమైపోతుండడం వల్ల దాన్ని ఇక్కడ భద్ర పరుచుకుంటున్నాను. ఇది మరెవరికైనా ఉపయోగపడితే మరింత సంతోషం.

శ్రీ రామచంద్ర హారతి పాట






రామచంద్రాయ జనక రాజజా మనోహరాయ
మామకాభీష్టదాయ మహిత మంగళం

కౌసలేశాయ మందహాసదాస పోషకాయ
వాసవాది వినుత సద్వరద మంగళం

చారు కుంకుమోపేత చందనాగరు చర్చితాయ
హార కటక శోభితాయ భూరి మంగళం

లలిత రత్న కుండలాయ తులసీవనమాలికాయ
జలజ సదృశదేహాయ చారు మంగళం

దేవకీ సుపుత్రాయ దేవదేవోత్తమాయ
భావజాగురువరాయ భవ్యమంగళం

పుండరీకాక్షాయ పూర్ణ చంద్ర వదనాయ
అండజా వాహనాయ అతులమంగళం

విమల రూపాయ వివిధ వేదాంత వేద్యాయ
సుముఖ చిత్త కామితాయ సుభద మంగళం

రామదాస మృదుల హృదయ తామరస నివాసాయ
స్వామి భద్రగిరివరాయ సర్వ మంగళం

భద్రాద్రి క్షేత్రవాస, నారాయణ దాసపోష
నవ్య నీరద ఘనశ్యామ దివ్య మంగళం

మంగళం కోలేంద్రాయ మహనీయ గుణాత్మనే
చక్రవతి తనూజాయ సార్వ భౌమాయ మంగళం.

6 కామెంట్‌లు:

  1. చాలా బాగుంది

    ~సూర్యుడు

    రిప్లయితొలగించండి
  2. విజయ్ శర్మ గారు సామవేదం (రాణాయన) చెప్పే పాఠశాల (ఏపీలో) (టీటీడీ వారిది కాకుండా) ఏవైనా ఉన్నాయా తెలియజేయగలరా.

    రిప్లయితొలగించండి
  3. ninnane nenu,naa kUturu chaalaa rOjula tarvaata ee paaTa paaDukoni nidrapOyaam.konni charaNaalu marchipOyaanu.gurtu chEsinanduku danyavaadaalu.

    రిప్లయితొలగించండి

నానుండి కాస్త ఆలస్యంగా స్పందన రావచ్చు. అన్ని ప్రశ్నలకు సమాధానం చెప్పే సమయం నాకు లేదు. అవసరమైన వాటికి తప్పక స్పందిస్తాను. అఙ్ఞాతలు చేసే అనవసర వ్యాఖ్యలని నిర్మొహమాటంగా తొలగిస్తాను. భారతీయ ధర్మముల పట్ల నమ్మకం లేని వారికి ఇది సరిఅయిన ప్రదేశం కాదు.