7, అక్టోబర్ 2016, శుక్రవారం

కార్తీకమాసమున మహన్యాసపూర్వక శివాభిషేకములకు గోత్రనామాలు పంపండి




శ్లో|| న కార్తికసమో మాసో న కృతేన సమం యుగమ్| న వేదసదృశం శాస్త్రం న తీర్థం గంగయా సమమ్||

కార్తీక మాసంతో సమానమైన మాసము, కృతయుగముతో సరియైన యుగము, వేద సదృశమైన శాస్త్రము, గంగా సమానమైన తీర్థము లేవు. కార్తీకమాసము లో చేసిన జప, హోమ, దానములు, శివాభిషేకములు, విష్ణుపూజలు విశేషఫలప్రదములు.

      అటువంటి కార్తీక మాసము పాడ్యమి (31-10-2016) మొదలు, అమావాస్య (29-11-2016) వరకు ముప్పైరోజులు "వైదికమిత్ర కార్యాలము" (వనస్థలిపురం, హైదరాబాద్ లోని మాగృహము )నందు ప్రతిరోజూ ఉ.6-00 గం.ల నుండి 10-00 గం.ల వరకు మహన్యాసపూర్వక ఏకాదశవార రుద్రాభిషేకములుజరుగుతున్నవి. కావున భక్తులందరూ ఈ అవకాశమును సద్వినియోగ పరచుకొనగలరు.   ఆసక్తి ఉన్నవారు రు.1516/- చెల్లించినచో వారి గోత్రనామములతో కార్తీకమాసం నెలరోజులు అభిషేకములు జరుగును.

గోత్రనామాలు తెలుపుటకు,  దక్షిణ పంపవలసిన ఎకౌంట్ వివరాల కొరకు rajasekharuni.vijay@gmail.com అనేచిరునామాలో సంప్రదించగలరు

పోయిన సంవత్సరం అందరి గోత్రనామాలతో రోజూ మహన్యాసపూర్వక రుద్రాభిషేకము, మధ్యలో 2 సార్లు మహాలింగార్చన, మాస శివరాత్రినాడు శ్రీశైలంలో రుద్రహోమం చేశాము. 

 

 

28, జులై 2016, గురువారం

ప్రశ్న అడగండి - సమాధానం చెప్తాను ( ఉచితం )

మీ ప్రశ్న - నా సమాధానం ( ఉచితం ) ప్రశ్నశాస్త్రం ద్వారా

1. నాకు వివాహం అవుతుందా?  అవదా? అయితే ఎప్పుడు అవుతుంది?

2. నాకు సంతానయోగం ఉందా! లేదా!?  ఉంటే ఎప్పుడు కలుగుతుంది?

3. నేను పై చదువులు చదువుతానా!?  ఉద్యోగంలో చేరుతానా!?

4. నేను పై చదువులు చదువుతానా!? పెళ్లి చేసుకోసుకుంటానా!?

5. దాంపత్యంలో సమస్యలు తీరుతాయా!?

6. ఉన్న ఉద్యోగం వదులుకుని కొత్త ఉద్యోగంలో చేరడం నాకు లాభమా!?  నష్టమా!?

7. నేను పెట్టే పెట్టుబడి నాకు లాభిస్తుందా!?  లేదా ఫలానా వ్యాపారం నాకు లాభమా నష్టమా!?

8. నా ఋణ బాధలు తీరుతాయా!?

9. సినిమా / రాజకీయం / షేర్స్ వీటిలో. నేను రాణిస్తానా!?

10. నాకు విదేశీ యానం,  అక్కడ ఉద్యోగ యోగం ఉందా!?  ఎప్పుడు వెళ్లగలను?

ఇలా మనకు నిత్యం మనసులో ఎన్నో ప్రశ్నలు మెదులుతూ ఉంటాయి. ఎన్నో సమస్యలు ఉంటాయి.  వాటికి సమాధానం ఎలా దొరుకుతుందో,  ఎవరు సరిగ్గా చెప్పగలరో తెలియక సతమతమవుతూ ఉన్నారా!

ఇప్పుడు మీకా సమస్యలేదు.  KP ASTROLOGY ద్వారా నేను మీకు సమాధానం చెప్తాను.

ఏ ప్రశ్నకైనా సమాధానం చెప్పవచ్చు.  అది ఖచ్చితంగా జరుగుతుంది కూడా!

కానీ నేను కాలక్షేపానికి వేసే ప్రశ్నలకు సమాధానం చెప్పను. నాకంత సమయం లేదు. మీ ప్రశ్న లో తీక్షణత ఉండాలి.  దానికి సమాధానం దొరికితే మీకు గట్టి లాభం చేకూరుతుందని నేను నమ్మితే తప్పక సమాధానం చెప్తాను.



ప్రశ్న వేసే విధానం :

ముందుగా ఏ సమస్య మిమ్మల్ని బాధపెడుతోందో?  మీ ప్రశ్న ఏమిటో!?  దేనికి సమాధానం తెలియక సతమతమవుతున్నారో?  దానిని  పేపరు మీద రాసి,  ఒకటికి రెండు సార్లు చదివి ఓ స్పష్టతకు రావాలి.

 ఉదయం స్నానానంతరం భగవంతుని ముందు కూర్చుని, మీకు  దారి చూపించమని ప్రార్థించి, మీ మనసులోని ప్రశ్న తలచుకోండి. 1 నుండి 249 లోపు ఏదో ఒక సంఖ్య అనుకోండి.  ఆ సమయంలో మనసులో బలంగా ఏ సంఖ్య తోచుతుందో అది పేపరు మీద రాసుకుని నాకు తెలియచేయాలి. మీ ప్రశ్న మరియు కేపీ నెంబర్ వాయిస్ మెసేజ్ ద్వారా నాకు పంపించాలి.

 నేను వచ్చిన ప్రశ్నలన్నీ రాసుకుని ఓ pdf తయారు చేయాలి.  కనుక నా మెయిల్ కి ( rvj.astropandit@gmail.com) వచ్చిన వాటికి మాత్రమే సమాధానం చెప్తాను. మీరు అడిగిన ప్రశ్న,  నేను చెప్పిన సమాధానం ఎప్పటికీ స్టోర్ అయ్యి ఉంటాయి.  జ్యోతిషం,  పూజలు మొదలైన వాటి ఉత్తర ప్రత్యుత్తరాల కోసం నా మెయిల్ ఐడీ మార్చాను గమనించగలరు.

ఈరోజు నుండి వచ్చిన 500 వందల ప్రశ్నలకు ఉచితంగా సమాధానం చెప్పాలని అనుకున్నాను.  ఇలా ఉచితంగా చేయడం నాకు ఖాళీగా ఉండడం వలన కాదు.  నిజంగా సమస్యలలో ఉన్న వారికి నావంతు సహాయం అందించాలని నా ఉద్దేశం. కేవలం ఒకరికి ఒక ప్రశ్న మాత్రమే ఉచితం.   ఒకటికంటే ఎక్కువ వేస్తే వాటికి తప్పక  దక్షిణ చెల్లించాలి.  ఉచితం అంటే అడ్డదిడ్డమైన ప్రశ్నలు వేస్తున్నారు.  పదే పదే అనవసరమైన ప్రశ్నలు వేస్తే నిజంగా అవసరంలో ఉన్న వారికి సేవ చేయలేం. కనుక ఈ నియమం. అలా అని ధన సంపాదన నా ధ్యేయం కాదు.  ఇవ్వలేని పేదవారికి పూర్తిగా ఉచితం.

వేదపండితులకు,  పురోహితులకు,  అర్చకులకు,  వైదిక వృత్తిలో ఉన్న మిత్రులకు ప్రత్యేక గౌరవంతో నా సేవలు అందిస్తాను.  మీ సమస్యలకు,  ప్రశ్నలకు నాద్వారా ఏ మాత్రం దారి దొరికినా అది నా అదృష్టంగా భావిస్తాను.

నా ఫేస్ బుక్ పేజ్ : https://m.facebook.com/Rajasekharuni-Vijay-Sharma-558643490887306/

నా జీ మెయిల్ : rvj.astropandit@gmail.com

23, మే 2016, సోమవారం

KP ASTROLOGY ప్రాముఖ్యత ఏమిటి?



శ్రీరామాయ నమః
తమిళనాడు బ్రాహ్మణ కుటుంబీకు లైన ప్రొఫెసర్ క్రిష్ణమూర్తిగారు జ్యోతిష్యంలో ఎంతో శ్రమించి,అనేక ప్రాచ్య పాశ్చాత్య  జ్యోతిష పద్ధతులను పరిశీలించి వాటన్నిటిలో తనకు  జవాబుదొరకని ప్రశ్నలకు సమాధానం వెతికే క్రమంలో ఒకపద్ధతిని తయారు చేశారు. దానినే క్రిష్ణమూర్తి పద్ధతి ( KP System ) అంటారు. 



ఇది చాలా వరకూ సాంప్రదాయ వైదిక జ్యోతిషమే! కానీ కొన్ని విధానాలను ఇతర పద్ధతుల నుండి తీసుకున్నారు. కొన్నిటిని తాను స్వయం కనిపెట్టారు.  దీనిని మెరుగులు దిద్దిన వైదిక జ్యోతిష్యము అన చెప్పవచ్చు. 


దీనిలో విశేషమేమంటే...
౧. కవల ల జనన సమయం కేవలం 2,3  నిమిషాలు మాత్రమే తేడా ఉంటుంది. రెండు నిమిషాల తేడాతో జాతకాలు ఎలా మారిపోతాయి అనేద ఈ పద్ధతి ద్వారా రుజువులతో నిరూపించ వచ్చు.
౨. ఇందులో ఇలా జరగవచ్చు అనే ఊహాగానాలు ఉండవు, ఇలా జరుగుతుంది అనే ఖచ్చితంగా చెప్పవచ్చు.


౩. నా సిక్త్ సెన్స్ తో చెప్పాను, లేదా నా తపశ్శక్తితో చెప్పాను అంటే ఆధునికులు ఎవరూ నమ్మరు. వారికి ఒక ఫార్ములా కావాలి. ఆ ఫార్ములా  ప్రకారం ఎవరికైనా ఫలితాన్ని సరిగా చెప్పినప్పుడు అది ఒక శాస్త్రంగా నమ్ముతారు. క్రిష్ణమూర్తి గారి తపస్సు ఫలితంగా నేడు మనకి అటువంట కొన్ని సూత్రాల సారంగా ఈ కేపీ జ్యోతిషం లభించింది అని చెప్పవచ్చు. ఫలితాలను సూత్ర బద్ధంగా నిరూపించ వచ్చు. అసలు KP ( క్రిష్ణమూర్తి పద్ధతి ) లో సాధన చేసే జ్యోతిష్యులు నేను ఊహించాను అనే మాటవాడడం సమ్మతించరు.  నేను సూత్రాలను అనుసరించి ఫలితాలు చెప్పాను {అంటే Predict  చేశాను} అనే మాటే వాడతారు.

౪. ఇందులో ప్రశ్నశాస్త్రం ( Horary )  విశేషంగా వివరింప బడింది. దీనిద్వారా ఏ ప్రశ్నకైనా ఖచ్చితమైన జవాబులు చెప్పవచ్చు. ప్రశ్న అడిగినప్పుడు 1 నుండి 249 లోపు ఒక సంఖ్య చెప్పమంటారు. అలా అని ఇది
ఇది న్యూమరాలజీ కాదు. ఆనెంబరు ద్వారా లగ్నాన్ని, భావాలను, గ్రహస్థితులను గుర్తించి జవాబు చెప్తారు. 


కేవలం ప్రశ్నభాగానికే ఉపయోగిస్తుందనీ, జన్మ జాతకానికి పనికిరాదని కొందరి వాదన. కానీ అది సరికాదు. దీనిద్వారా జన్మ జాతకం పరిశీలించి కచ్చితమైన ఫలితాలు చెప్పవచ్చు.

 
"ఈ పద్ధతే ఉత్తమమైనదా!? నేను పూర్వం వైదిక పద్ధతిలో సాధన చేసే వాడిని, ఈ పద్ధతిలోకి మారాలా వద్దా!?" అని చాలా మంది అడుగుతూ ఉంటారు.
దానికి నా సమాధానం ఒక్కటే! ఇది వైదిక విరుద్ధమైనది కాదు. సాంప్రదాయ పద్ధతికి మెరుగులు దిద్దబడిన పద్ధతి మాత్రమే! ఇక ఏది ఉత్తమమైనది అంటే మీరు సాధన చేస్తే ఎందులోనైనా ఉత్తమ ఫలితాలు చెప్పవచ్చు. మీకు ప్రత్యక్ష గురువులు ( అంటే ఏపుస్తాకలలో నేర్చినదో కాక, దానిని నేర్పించే వారు స్వయంగా ) ఏపద్ధతిలో దొరుకుతారో మీకు ఆపద్ధతి ఉత్తమమైనది. ( ఇది నా అభిప్రాయం మాత్రమే )


ఇట్లు

భగవత్సేవకుడు
రాజశేఖరుని విజయ్ శర్మ

20, ఫిబ్రవరి 2016, శనివారం

జాతకపరిశీలన ద్వారా మీ విద్య ఎలా ఉంటుందో తెలుసుకోండి KNOW YOUR EDUCATION THROUGH ASTROLOGY






       జాతక చక్రంలో 2,4,5,9 స్థానాలు పరిశీలించడం ద్వారా ఆవ్యక్తి విద్య ఎలా ఉంటుంది అనేది తెలుసుకోవచ్చు.  ద్వితీయ భావం ద్వారా బాల్యంలోని విద్య ఎలా ఉంది అనేది తెలుసుకోవచ్చు. నాల్గవ స్థానం ద్వారా  ఆవ్యక్తి భావ సామర్థ్యాన్ని - ఐదవ స్థానం ద్వారా హైస్కూల్, ఇంటర్, డిగ్రీ విద్య ఎలా ఉంది అనేది - తొమ్మిదవ భావం ద్వారా డిగ్రీ తరువాతి విద్య (PG, PHD etc.) గురించి తెలుసుకోవచ్చు. 

 ఇక బుధ, గురు గ్రహాలు విద్యకు కారకత్వం వహిస్తాయి. బుధుడు విద్యలో సామర్థ్యాన్ని, ఙ్ఞాపకశక్తిని తెలియజేస్తే, గురుడు అవకాశాన్ని అదృష్టాన్ని కలుగజేస్తాడు. ఈ రెండు గ్రహాలు ఉన్న స్థానాన్ని బట్టి ఆవ్యక్తి యొక్క విద్య ఎలా ఉంటుంది అనేది కూడా గ్రహించ వచ్చు. మనసుయొక్క శక్తిని సూచించే చంద్రుడు కూడా మంచి స్థానాలలో ఉన్నాడా లేదా అన్నది కూడా గ్రహించాలి.  

పంచమం, దానిమీద ఉన్న గ్రహాల ప్రభావాన్ని బట్టి వారి విద్య ఏరంగంలో ఉంటుంది అన్నదాన్ని కూడా మనం తెలుసుకోవచ్చు. 

ఇంజనీరింగ్ : కుజ –శని ( రాహు సంబంధం చేత ఎలక్ట్రానిక్స్, ఎలక్ట్రికల్స్ ) , మేష, వృశ్చిక, మకరం, మీనం
వైద్య సంబంధ విద్య : రవి - చంద్ర – కుజ - బుధ , కర్కాటకం, కన్య, 6th , 10th స్థానాలు వైద్యవిద్యకు సంబంధించినవి
మేనేజ్ మెంట్ విద్య : గురు (ధనం) – బుధ (లెక్కలలో సామర్థ్యం), మిథున, కన్య, తుల
ఆర్ట్స్ మరియు ఫ్యాషన్ డిజైనింగ్ : శుక్ర, బుధ, రాహు, చంద్ర వృషభం, మిథున, కర్కాటకం, కన్య, మీనం  

 బాల్య విద్య: ముందుగా చర్చించుకోవలసినది విద్యలేకపోవడం గురించి. నిజానికి విద్య లేకపోవడం అనేది ఉండదు. ప్రతి వ్యక్తీ ఏదోవిధంగా విద్యను పొందుతూనే ఉంటాడు. ఒక క్రమ పద్ధతిలో పాఠశాలకు వెళ్లి చదువుకుని విద్యపొందలేక పోవడాన్ని మనం జాతకచక్ర పరిశీలన ద్వారా గుర్తించ వచ్చు. రాహు, కుజ, శని ఈ మూడ గ్రహాలు లేదా రెండు గ్రహాలు కనుక ద్వితీయ భావంలో పడితే ఆవ్యక్తికి అందరిలా స్కూలుకు వెళ్లి చదువుకునే విద్య ఉండదు. వీరి పూర్తిగా విద్య ఉండదా అంటే ఉంటుంది. కానీ చదువు పూర్తి చెయ్యడానికి చాలా కష్టపడవలసి ఉంటుంది. వీరికి ఒక పద్దతి ప్రకారం రోజూ స్కూలుకు వెళ్లి చదవడం ఇష్టం ఉండదు. మొండిగా ఉండడం, అబద్ధాలు ఆడడం మొదలైనవి ఉంటాయి.

కళాశాల స్థాయి విద్య : 10th, Inter, Degree విద్యలను సూచించేది ఐదవ స్థానం. కుజుడు ద్వితీయంలో ఉంటే తననాల్గ వ దృష్టి ద్వారా పంచమ భావాన్ని చూస్తూ ఆవ్యక్తి స్కూలు విద్యనేకాక కళాశాల విద్యను కూడా క్రమంతప్పేటట్టు చేస్తాడు. శని తృతీయ, అష్టమ, ఏకాదశాలలో ఉంటే పంచమాన్ని చూస్తాడు కనుక విద్యలో ఆలస్యాన్ని సూచిస్తాడు. అంటే వారు టీనేజ్ లో చదవవలసిన కళాశాల విద్యను ముప్పైలు, నలభైలలో చెయ్యవచ్చు. రాహువు కంప్యూటర్ విద్యను సూచిస్తాడు. రాహువు ప్రభావం పంచమంపై ఉంటె కనుక కంప్యూటర్ విద్యను అభ్యసిస్తారు.

ఉన్నత విద్య : P.G. – P.H.D. స్థాయి విద్యలను సూచించేది తొమ్మిదవ భావం. నవమ భావాధిపతి శుభస్థానాలలో ఉన్నా, నవమభావం పై శుభులైన బుధ, గురుల ప్రభావం ఉన్నా ఉన్నత విద్యను ఏఆటంకాలు లేకుండా పూర్తిచేయగలుగుతారు. అలాకాక నవమాధిపతి తృతీయ, అష్టమ, వ్యయాల పడితే  స్వస్థానంలో ఆవిద్య పూర్తిచేయడం కష్టమే. కానీ దూరప్రాంతాలలో లేదా విదేశాలలో చదివే యోగం ఉండవచ్చు.

పాప గ్రహాలు ఈ విద్యాస్థానాలలో ఉన్నప్పటికీ శుభుడైన గురువు కనుక లగ్నంలో ఉంటే ఎన్ని ప్రతిబంధకాలు వచ్చినా విద్యను పూర్తిచేసే శక్తిని ఇస్తాడు. గురుడు 5,9 తొమ్మిది స్థానాలలో ఉన్నా కూడా విద్యపై మంచి పట్టుని ఇస్తాడు. గురుడు కోణదృష్టి కలిగిన వాడుకనుక 1,5,9 స్థానాలలో ఎక్కడ ఉన్నాకూడా మిగతా రెండిటినీ కూడా తన విశేష దృష్టితో వీక్షిస్తాడు.

విద్యను గురించి చతుర్వింశాంశ (D-24 ) చక్రాన్ని పరిశీలించాలి. కానీ ఈ చక్రం ప్రతీ 5 నిమిషాలకు మారిపోతుంది కనుక ఖచ్చితమైన జన్మసమయం తెలియకపోతే ఈచార్ట్ చూడవద్దు.
విద్య అనేది అనేకవిధాలుగా ఉంటుంది. మూసపద్ధతిలో చదివిన విద్య కంటే కష్టనష్టాలు దాటుకుంటూ చదువు పూర్తిచేసిన వారు ఎందరో మనకు స్ఫూర్తిప్రదాతలుగా ఉన్నారు. ఐనస్టీన్, రమణమహర్షి, రామక్రిష్ణపరమహంస, స్వామి వివేకానంద వీళ్లందరూ ఏమిచదివారు? ఎలా చదివారు? కనుక చదవాలి, నేర్చుకోవాలి అనే ఆసక్తి తాపత్రయం ఉంటే జ్యోతిష్యశాస్త్రాన్ని ఆధారంగా చేసుకుని, ఏవైనా లోపాలు ఉంటే తగిన పరిష్కారాలు చేయడం ద్వారా మీయొక్క, మీ పిల్లలయొక్క విద్యను సరిచేసుకోవచ్చు. మొద్దులను కూడా విజేతలుగా తయారుచేయవచ్చు.  

భగవదనుగ్రహం ఉంటే సాధించలేనిది లేదు.

20, జనవరి 2016, బుధవారం

భగవంతుడు అనేవాడు ఉన్నాడా? ఉంటే నిరూపించగలరా?


       అయ్యా “నీళ్లలో నిప్పు ఉన్నది” అసలు నీరే నిప్పుగా ఉన్నది ( ఆపోవా అగ్నేరాయతనం... ) మాకు వేదంలో ఉన్నది అని ఎవరైనా వేదపండితులు చెప్పారనుకోండి, ఎవరూ నమ్మరు. నీళ్లలో నిప్పు వేస్తే ఆరిపోతుంది.  అలాంటిది నీళ్లలో నిప్పు ఉండడమేమిటి? ఈయన ఎంత అమాయకుడో? ఇంకా ఇటువంటి ఉపన్యాసాలు చెప్పి జనాలను నమ్మించాలని చూస్తున్నారు అని మనసులోనేనవ్వుకుంటారు. ఎందుకంటే చాలామందికి తెలిసి నీళ్ళలో నిప్పు అనేది దాక్కొని ఉండడం అసంభవం. తమ నమ్మకం తప్పని అంత త్వరగా ఒప్పుకోడానికి ఎవరూ సిద్ధపడి లేరు. 
   అదే ఓ సైంటిస్టు అయ్యా “నీళ్లలో నిప్పు ఉన్నది” అని చెప్పాడనుకోండి, ఆశ్చర్య పోతారు. అయినా పూర్తిగా నమ్మరు. ఏది ఎలాగ నిరూపణ చేయండి అంటారు. ఆయన చెప్తారు. “ నీటిని చేతితో తాకగలం, కంటితో చూడగలం. కానీ నీటిలో ఉండే నిప్పును తాకలేం, నేరుగా కంటితో చూడలేం. ఎందుకంటే దాని శక్తి అమోఘం. తాకితే మనం కూడా కాలిభస్మమై పోతాం. ఒక వస్తువుగుండా ప్రవహింప చేసినట్లేతే కనుక దానిని అనేక పనులకు సాధనంగా ఉపయోగించవచ్చు. దీపంగా వాడుకోగలం, ఆ వెలుగును చూడగలం. భూమిలో నుండి నీటిని తోడగలం. అనేక పనులు చేయగలం. ఆ నీటిలో నుండి వెలికి వచ్చిన నిప్పునే మనం “విద్యుత్” అని పిలుచుకుంటున్నాం...”  
ఇదంతా విని అవునవును నిజమే నీటిలో విద్యుత్ చ్ఛక్తి ఉంది. దానిని మనం వాడుకుంటున్నాం కదా!? అంటూ ఒప్పుకుంటారు. 
    ఒక వేదపండితుడు చెప్పిన విషయాన్ని నమ్మడానికి ఇష్టపడని మనం ఒక సైంటిష్టు చెప్పగా నమ్ముతున్నాం. కారణం చాలా సమయాలలో మనం బుద్ధిని ఉపయోగించకపోవడమే! వేదపండితుడు - సైంటిష్టు ఇద్దరు ఒకే విషయాన్ని చెప్పారు. కానీ వేదం అనగానే నేటి ఆధునికుల దృష్టిలో పెద్ద బూటకం. అది పాతచింతకాయ పచ్చడి వంటిది. ఎవరికీ పెద్ద ఆసక్తి ఉండదు. వేదం అంటే పూర్వకాలంలో కాలక్షేపానికి రాసుకున్న ఒక జీవన పద్ధతి. ఆరోజులలో ప్రజలు బావిలో కప్పలు. వారికి ప్రపంచం తెలియదు. తమ చిన్న ప్రపంచంలో జీవించడానికి పెద్ద పనేమీ ఉండేది కాదు. అందుకే ఖాళీ ఎక్కువై రాసుకున్న గ్రంథాలు అవన్నీ. ఈ రోజులకు సరిపోవు. అయినా నిరూపణకు సరిపోని అంశాలు వేదంలో చాలా ఉన్నాయి. కనుక అవి అన్నీ అసమంజసమైనవే. వాదనలకు నిలువలేవు – అని నేడు చాలామంది ఆధునికులయొక్క అభిప్రాయం
చాలామంది గొర్రెలవలెనే ఆలోచించడానికి అలవాటుపడి నేటికీ అదే విధానంలో ఉన్నారు. ఒక గొర్రె ఎటువెళితే వెనకాల గొర్రెలన్నీ అటే వెళతాయి. అలాగే నేటి కాలంలో పాప్ సాంగ్స్, ఫేస్ బుక్, వాట్సప్, సినిమాలు, డబ్బు మొ. వాటిలో కొట్టుకు పోతున్నారే కానీ మనమెటు వెళుతున్నాం అన్నది ఆలోచించడంలేదు. నూటికి ఎవరో ఒక్కరు మాత్రమే మనిషిలా తమ బుద్ధిని ఉపయోగించగలరు. వారే నాయకులవుతున్నారు. మిగతావారు గొర్రెల వలె లోకాన్ని అనుసరిస్తున్నారు. 
  కంటితో చూసినవి మాత్రమే నమ్ముతామంటే కారెట్ తింటే ఏ-విటమిన్ వస్తుంది అని డాక్టరు చెప్పినప్పుడు మీరు నమ్మకూడదు. కానీ నమ్ముతున్నారే! విద్యుత్ ను కంటితో చూడలేదు, చేతితో స్పర్శించ లేదు. కానీ విద్యుత్ అనేది ఉంది అని నమ్ముతున్నాము. విద్యుత్తు వలెనే భగవంతుడిని కూడా కంటితో చూడలేం, చేతితో స్పర్శించలేము. ఎందుకంటే ఆయనను భరించ గలిగే శక్తి ఈ శరీరానికి లేదు. విద్యుత్ తగిలితే శరీరం ఎలా తట్టుకో లేదో అలాగే భగవంతుని స్పర్శనీ ఈ శరీరం తట్టుకోలేదు. 
  ఒక పరిమితికి లోబడిన వస్తువులను మాత్రమే మనం కంటితో చూడగలం. ఆ పరిమితికంటే తక్కువ ఉన్నా(అణువు), ఎక్కువ ఉన్నా (సూర్యుడు) మనం కంటితో చూడలేం. అలా చూడడానికి మనకి భూతద్దం వంటి ఓ సాధనం కావాలి. ఆలాగే పరిమితికి లోబడిన శబ్దాలను మాత్రెమే మనం చెవులతో వినగలం. శబ్దం ఎక్కువ ఉన్నా వినలేం( చెవుడు వస్తుంది ), శబ్దం తక్కువ ఉన్నా మనకు వినబడదు. అంటే మనం చూడడానికి, వినడానికి, ముట్టుకోవాడనికి, వాసన చూడడానికి రుచి చూడడానికి వీటన్నిటికీ పరిమితులు ( Limitations ) ఉన్నాయి. పాంచభౌతికమైన మన శరీరమే పరిమితమైనది అయినప్పుడు అపరిమిత శక్తి కలిగిన భగవంతుని మనం ఈశరీరంతో ఎలా చూడగలం, ఎలా మాట్లాడగలం? అలా చూడాలనుకోవడం మన అవివేకమే అవుతుంది.

విద్యుత్తును ఒక బల్బు ద్వారా ప్రసారం చేసి వెలుగుగా ఎలా చూడగలుగుతున్నామో అలాగే మనసు అనే సాధనమును ఉపయోగించి మాత్రమే ఆ భగవంతుని దర్శించగలం. మనకు తెలియని విషయాలు అన్నీ అసత్యాలు కాదు. మన బుద్ధికి తెలియనంత మాత్రాన భగవంతుడు లేడనడం అవివేకం. జీర్ణప్రక్రియను మనకంటితో చూడలేదు. కానీ ఎవరో ఒక సైంటిష్ట్ చెప్పాడని అది నమ్ముతున్నాం. మరి మన పూర్వీకులు ఋషులు చెప్పిన విద్యను మాత్రం బూటకం అని కొట్టిపాడేయడం ఎంతవరకు సబబు? వేదం అంటే అది ఓ సైన్స్, ఋషులు సైంటిస్ట్ లు. వారు ఎంతో కఠోర శ్రమచేసి సాధించిన ఫలాలను వేదం రూపంలో మనకు అందించారు. ప్రపంచం బట్టకట్టడం నేర్వకపూర్వమే ఇక్కడ సైన్స్ లో ఎన్నో అద్భుతాలు చేసి చూపారు. వారు మనకు తెలిపిన పరమ సత్యం ఒక్కటే! 

" భగవంతుడనే వాడు ఉన్నాడు. ఎంత కష్టంలో ఉన్నా ఒక్కసారి ఆర్తితో తండ్రీ రక్షించు అని పిలిస్తే నడి సముద్రంలో కూడా చేయందించి కాపాడుతాడు"
---------------------------------  రాజశేఖరుని విజయ్ శర్మ