25, మార్చి 2009, బుధవారం

మీరు కోరిన ఉద్యోగం దొరకటంలేదా...

ఈ మధ్య మంచి ఉద్యోగాలు దొరకడం మాట దేముడెరుగు, మంచిదో చెడ్డదో ఉన్న పాత ఉద్యోగాలు కూడా (అమెరికాలో గాలివీస్తే ఇండియాలో) రెప రెపలాడుతున్నాయి. ఇటువంటి సందర్భంలో ఎవ్వరికీ మనశ్శాంతి ఉండడంలేదు. పని ఒత్తిడి పెరుగుతోంది. ఆ వత్తిడి వల్ల ఇంటికి వచ్చినతరువాతకూడా చిరాకుగా గడుపుతున్నారు. ఎప్పుడు పోతాయో తెలియని ఉద్యోగాలతో జీవితంమీద భరోసా కరువవుతోంది. ఒక వైపు ఖర్చులకు అలవాటైన జీవితం ఉన్నట్టుండి జాగ్రత్తలు నేర్చుకోవాలంటే తట్టుకోలేక పోతున్నారు. అనేకరకాల ఆలోచనలతో మానసిక ఆందోళనలకు కూడా గురవుతున్నారు.

విద్య, ఉద్యోగం, ప్రేమ, పెళ్లి ఏదైనా దానికి చక్కని పరిష్కారం దొరకాలంటే మీరు నవగ్రహాలను శరణు వేడ వలసినదే. దానికి చక్కని మార్గం నవగ్రహ శ్లోక పారాయణ.

ఈ నవగ్రహ శ్లోకాలు మీ కష్టాలను/ ఈతిబాధలను తొలగించి, కోరిన కోరికలను తీర్చడంలో అద్భుతంగా పనిచేస్తాయి. దారిద్ర్య దుహ్ఖ బాధలు, శారీరక మానసిక రోగ రుగ్మతలు తొలగుతాయి. సర్వ కార్య విజయాలు, విద్యా ఉద్యోగ వ్యాపారాది లాభాలు, మనోవాంఛలు తీరును. ప్రతీ గ్రహము ఒక్కో ప్రత్యేక శక్తిని కలిగి ఉంటుంది. అలాగే మీ జాతక చక్ర రీత్యా ఒక్కో ఫలితాన్ని ఇవ్వడం కూడా జరుగుతుంది.

నవగ్రహ శ్లోకాలు:


ఈ పై చిత్రాన్ని క్లిక్ చేసి దాన్ని పెద్దదిగా చూడండి ( లేదా ) సేవ్ చేసుకోండి .


నవ గ్రహ శ్లోకం :
ఆదిత్యాయచ సోమాయ మంగళాయ బుధాయచ
గురు శుక్ర శనిభ్యశ్చ రాహవే కేతవే నమః

రవి: 6000 సార్లు
జపాకుసుమ సంకాశం, కాస్యపేయం మహాద్యుతిం,
తమోరిం సర్వ పాపఘ్నం, ప్రణతోస్మి దివాకరం.

చంద్ర: 10,000 సార్లు
దధి శంఖ తుషారాభం, క్షీరో దార్ణవ సంభవం,
నమామి శశినం సోమం, శంభోర్మకుట భూషణం.

కుజ: 7,000 సార్లు
ధరణీ గర్భ సంభూతం, విద్యుత్ కాంతి సమప్రభం,
కుమారం శక్తి హస్తం, తం మంగళం ప్రణమామ్యహం.

బుధ: 17,000 సార్లు
ప్రియంగు కలికా శ్యామం, రూపేణా ప్రతిమం బుధం,
సౌమ్యం సత్వ గుణేపేతం, తం బుధం ప్రణమామ్యహం.

గురు: 16,000 సార్లు
దేవానాంచ ఋషీణాంచ, గురుం కాంచన సన్నిభం,
బుద్ధి మంతం త్రిలోకేశం, తం నమామి బృహస్పతిం.

శుక్ర: 20,000 సార్లు
హిమకుంద మృణాళాభం, దైత్యానాం పరమం గురుం,
సర్వ శాస్త్ర ప్రవక్తారం, భార్గవం ప్రణమామ్యహం.

శని: 19,000 సార్లు
నీలాంజన సమాభాసం, రవిపుత్రం యమాగ్రజం,
ఛాయా మార్తాండ సంభూతం, తం నమామి శనైశ్చరం.

రాహు: 18,000 సార్లు
అర్థకాయం మహావీరం, చంద్రాదిత్య విమర్ధనం,
సింహికా గర్భ సంభూతం, తం రాహుం ప్రణమామ్యహం.

కేతు: 7,000 సార్లు
ఫలాశ పుష్ప సంకాశం, తారకా గ్రహ మస్తకం,
రౌద్రం రౌద్రాత్మకం ఘోరం, తం కేతుం ప్రణమామ్యహం.

ఈ నవగ్రహ శ్లోకాలు ఎవరైనా పఠించవచ్చు. పైన గ్రహం ప్రక్కనే చేయవలసిన జపసంఖ్య చెప్పడం జరిగింది. ఒక్కో సారి పరిస్ఠితుల తీవ్రతను బట్టి 2,3,4 గ్రహాలకు కూడా జపాలు చేసుకోవలసి రావచ్చు. ఆ జపసంఖ్యను పూర్తిచేయడానికి చాలాసమయం పడుతుంది కనుక ఒకేరోజులో పూర్తిచేయవలసిన అవసరం లేదు. కొన్ని రోజులు ( ఉదా: 3 లేదా 5 లేదా 9 లేదా 11 లేదా 21 లేదా 41) నియమం పెట్టుకుని రోజుకి కొంత పూర్తి చేసుకుని, ఆ గ్రహానికి ఇష్టమైన ధాన్యం ఇష్టమైన వారంలో దానం చేయడం ద్వారా ఆశించిన ఫలితాలను పొందవచ్చు. మీరు జపం చేసుకోలేని పక్షంలో బ్రాహ్మణుల చేత చేయించుకోవచ్చు. నవ గ్రహాల గురించి ఎంత చెప్పినా తక్కువే అవుతుంది. ఒక్కమాటలో చెప్పాలంటే నవ గ్రహాలను ప్రార్ధించడం ద్వారా మీ కోరిక ఎంత పెద్దదైనా ఖచ్చితంగా తీరుతుంది. ఏది ఏమైనా మీకున్న సమస్య ఏమిటో, దాన్ని తీర్చగలిగే శక్తి ఏ గ్రహానికుందో తెలుసుకోవటానికి అనుభవజ్ఞులైన జోతీష్యులను సంప్రదించడం మంచిది.

నవగ్రహ అనుగ్రహం పొందటానికి మరో సులువైన మార్గం:

41 రోజులు ప్రతీ రోజూ దేవాలయానికి వెళ్లి నవగ్రహాల చుట్టూ 108 ప్రదక్షిణాలు చేస్తూ, 108 సార్లు "ఆదిత్యాచ సోమాయ....." అనే శ్లోకాన్ని పఠిస్తే మీరు ఎంతటి కష్టంలో ఉన్నా దానినుండి బయటపడగలుగుతారు. మీకోరిక తప్పక నెరవేరుతుంది. ఈ 41 రోజులు దీక్షపూని, సాత్విక ఆహారాన్ని భుజిస్తూ, మితంగా మాట్లాడుతూ, పని చేసుకుంటున్నప్పుడు కుడా వీలయినన్ని సార్లు ఆ శ్లోకాన్ని చదువుతూ ఉండాలి. మొత్తం 41 రోజులు అయిన తరువాత నవగ్రహాలకు పూజ చేయించుకోవాలి.

ఫలితం తప్పక రావాలంటే...
నేను ఇక్కడ రాశే ప్రతీ ఒక్కటీ తప్పక ఫలితాన్నిస్తాయి. ఇవన్నీ నేను చెప్పేవి కావు, ఎందరో అనుభవజ్ఞులైన పెద్దలు చెప్పినవి. అయితే చేసే మీదగ్గరే ఉంటుంది ఫలితం రావడం, రాకపోవడం. ఎందరో ఎన్నో పూజలూ, వ్రతాలూ చేస్తున్నారు. మరి వాళ్లందరికీ ఫలితాలు వస్తున్నాయా అంటే రావట్లేదనే చెప్పాలి. ఫలితాలు వచ్చినవాళ్లకీ, రాని వాళ్లకీ తేడా ఒక్కటే... "నమ్మకం" అవును "నమ్మకమే". అది ఉన్ననాడు ఫలితం తప్పక వస్తుంది. దానికి "ప్రయత్నం" తోడవ్వాలి. అలాంటి నమ్మకంతో కూడిన ప్రయత్నం చేస్తే " అదృష్టం" మీదవుతుంది.

ఉదాహరణకు: మీకు చిన్న ఉద్యోగం ఉంది. దానికి వచ్చే జీతం మీ అవసారలకు సరిపోక పోగా అప్పులపాలవుతున్నారు. సమస్యలు చుట్టుముట్టాయి. మీకు పెద్ద జాబ్ చేయగలిగె విద్య ఉంది, కానీ తగిన అవకాశాలు రావటంలేదు. అప్పుడు మీరు నగ్రహ ప్రదక్షిణలు చేయండి. తప్పకుండా మీకు చక్కటి జాబ్ దొరుకుతుంది. అయితే ప్రదక్షిణలు చేశాను కదా అని కాలుమీద కాలేసుకుని కూర్చుంటే జాబ్ మీ చేతుల్లోకి రాదు. ప్రదక్షిణలు చేస్తూనే ప్రయత్నాలు మొదలు పెట్టాలి. వచ్చిన ఇంటర్వ్యూలను మీకు తెలిసినంతవరకూ చక్కగా ప్రిపేరై హాజరు అవ్వాలి. ఒక వేళ అది పోయినా మరో దానికి నమ్మకంతో ప్రయత్నించాలి. అప్పుడు చక్కటి జాబ్( 41 రోజుల ప్రదక్షిణలు చేసిన 3 నెలల్లో) మీకు తప్పక దొరుకుతుంది.

"ఆహా ఏమి చెప్పారండీ... మా అర్హతకు తగిన జాబ్ కోసం `నమ్మకం'తో మళ్లీ, మళ్లీ `ప్రయత్నం' చేస్తూ పోతే జాబ్ దొరక్క ఎక్కడికి పోతుందీ? అలా చేస్తే ఎవరికైనా జాబ్ దొరుకుతుంది. పది రాళ్లు విసిరితే ఒక్కటైనా తగలక పోదా..? ఆ మాత్రం దానికి 41 రో...జు...లు... మీరు చెప్పినట్లు చేయండందేనికి? " అంటారా....?

అవును మీరనుకునేది నిజమే... "నమ్మకంతో కూడిన ప్రయత్నం ఎక్కడ ఉంటుందో అక్కడ అదృష్టం ఉంటుంది". మీమీద మీకు అంత నమ్మకం ఉన్నంత వరకూ ఏ పూజా అవసరంలేదు. కానీ (పోనీ) ఆ ఆత్మవిశ్వాసం మీకు లేనప్పుడే నేను చెప్పిన ప్రదక్షిణలు చెయ్యండి. మీచుట్టూ సమస్యలున్నప్పుడే... మీ వల్లకాదు అనుకున్నప్పుడే... ఎవ్వరూ మీకు సాయపడలేరు అనుకున్నప్పుడే... పది సార్లు కాదు ఇరవై సార్లు మీ సొంత ప్రయత్నం చేసిన తరువాతే ఈ ప్రయత్నం చేసి చూడండి.

సమస్యలు చుట్టుముట్టినప్పుడు ఆత్మ విశ్వాసం ఎవరికి ఉంటుంది? అటువంటి సమయంలో మీకు వచ్చే మంచి జాబ్ అవకాశాలను కూడా సరిగా వాడుకునే శక్తి మీకు సన్నగిల్లుతోంది. దానికి కారణం మీకు ఆ జాబ్ కు సంబంధించిన పరిజ్ఞానం తగినంత లేకపోవడం కాదు, మీకు తగినంత ఆత్మ విశ్వాసం లేకపోవడం. మీ "ఆంతరంగిక భయం". ఇంటర్వూకి వెళ్లినప్పుడు ఒకవేళ ఇ అవకాశం పోతే నా పరిస్థితి అధోగతే అనే ఆలోచనలతో, తెలియని ఆందోళనతో వంట్లో సన్నని వణుకు లాంటిది కూడా వస్తోంది. ఇక నావల్ల కాదు అని మీకు అనిపించింది. నిరాశ ఆవహించింది. ఏ దిక్కూ తోచటంలేదు. పోనీ అప్పుడే ప్రయత్నించండి. కాని చేతులు కాలేదాకా వేచి ఉండడం కన్నా... పరిస్థితులు మీకు కష్టంగా మారుతున్నాయి అని తెలిసిన వెంటనే ప్రత్నించడం మంచింది.

ఉగాది నాడు ఎలాగో పంచాంగం చెప్పించుకుంటారు కదా... అప్పుడే మీ జాతకం కూడా చూపించుకుని జాతక రీత్యా, గోచార రీత్యా ఏఏ గ్రహాలను శనత పరచాలో తెలుసుకుని, ఆ యా గ్రహాలకు తగిన విధంగా జపం చేసుకోండి. విజయం మీదే.
నవ గ్రహాలకు ఇష్టమైనవి:


సూర్య:
ఇష్టమైన వారం: ఆది వారం, ఇష్టమైన రంగు: ఎరుపు, గ్రహ అధి దేవత: నారాయణుడు, చేయ వలసిన జప సంఖ్య: 6000, దానం ఇవ్వవలసిన ధాన్యం: గోధుమలు, హోమం చెయ్య వలసిన సమిధ: జిల్లేడు, ధరించ వలసిన రత్నం: మాణిక్యము (కెంపు).

చంద్ర:
ఇష్టమైన వారం: సోమ వారం, ఇష్టమైన రంగు: తెలుపు, గ్రహ అధి దేవత: లక్ష్మి, చేయ వలసిన జప సంఖ్య: 10000 , దానం ఇవ్వవలసిన ధాన్యం: ధాన్యం (బియ్యం), హోమం చెయ్య వలసిన సమిధ: మోదుగ, ధరించ వలసిన రత్నం: ముత్యం.

కుజ:
ఇష్టమైన వారం: మంగళ, ఇష్టమైన రంగు: ఎరుపు, గ్రహ అధి దేవత: కుమార స్వామి, చేయ వలసిన జప సంఖ్య: 7000, దానం ఇవ్వవలసిన ధాన్యం: కందులు, హోమం చెయ్య వలసిన సమిధ: చండ్ర, ధరించ వలసిన రత్నం: పగడం.

బుధ:
ఇష్టమైన వారం: బుధ వారం, ఇష్టమైన రంగు: ఆకుపచ్చ, గ్రహ అధి దేవత: విష్ణువు / గణపతి, చేయ వలసిన జప సంఖ్య: 17000, దానం ఇవ్వవలసిన ధాన్యం: పెసలు, హోమం చెయ్య వలసిన సమిధ: ఉత్తరేణి, ధరించ వలసిన రత్నం: పచ్చ.

గురు:
ఇష్టమైన వారం: గురు వారం, ఇష్టమైన రంగు: పసుపు, గ్రహ అధి దేవత: శంకరుడు, చేయ వలసిన జప సంఖ్య: 16000, దానం ఇవ్వవలసిన ధాన్యం: శనగలు, హోమం చెయ్య వలసిన సమిధ: రాగి, ధరించ వలసిన రత్నం: కనక పుష్యరాగం.

శుక్ర:
ఇష్టమైన వారం: శుక్ర వారం, ఇష్టమైన రంగు: తెలుపు/ గోధుమ, గ్రహ అధి దేవత: మహా లక్ష్మి, చేయ వలసిన జప సంఖ్య: 20000, దానం ఇవ్వవలసిన ధాన్యం: బొబ్బర్లు, హోమం చెయ్య వలసిన సమిధ: మేడి, ధరించ వలసిన రత్నం: వజ్రం.

శని:
ఇష్టమైన వారం: శని వారం, ఇష్టమైన రంగు: నలుపు, గ్రహ అధి దేవత: శివుడు / వేంకటేశ్వరుడు , చేయ వలసిన జప సంఖ్య: 19000 దానం ఇవ్వవలసిన ధాన్యం: నల్ల నువ్వులు, హోమం చెయ్య వలసిన సమిధ: జమ్మి, ధరించ వలసిన రత్నం: ఇంద్ర నీలం.

రాహు:
ఇష్టమైన వారం: శుక్ర వారం, ఇష్టమైన రంగు: బూడిద రంగు, గ్రహ అధి దేవత: దుర్గ/ సుభ్రమణ్య స్వామి, చేయ వలసిన జప సంఖ్య: 18000, దానం ఇవ్వవలసిన ధాన్యం: మినుములు, హోమం చెయ్య వలసిన సమిధ: గరిక, ధరించ వలసిన రత్నం: గోమేధికం.

కేతు:
ఇష్టమైన వారం: బుధ వారం, ఇష్టమైన రంగు: చిత్ర వర్ణం( రంగు రంగుల పువ్వులు, చుక్కలు ఉన్న వస్త్రాన్ని వాడ వచ్చు), గ్రహ అధి దేవత: కాళి/గణపతి, చేయ వలసిన జప సంఖ్య: 7000, దానం ఇవ్వవలసిన ధాన్యం: ఉలవలు, హోమం చెయ్య వలసిన సమిధ: దర్భ, ధరించ వలసిన రత్నం: వైఢూర్యం.

శ్రీ విరోధినామ సంవత్సర ఉగాది శుభాకాంక్షలు. :)

12 వ్యాఖ్యలు:

  1. Good Job. This tapa is very helpful for many telugu people. Keep it up.

    Sri

    ప్రత్యుత్తరంతొలగించు
  2. @ శ్రీధర్ గారు: మీరు ఇప్పుడు గుర్తించి నట్లున్నారు.... కానీ నేను మొదటి నుండీ నా పని నేను చేసుకు పోతూనే ఉన్నాను.కానీ అది మీరనుకునే పని కాదనుకుంటా...
    నలుగురికీ మంచి చేస్తాయి అని నేను నమ్మినవే రాస్తాను. నాకు మంచి చేస్తాయనుకున్నవి కాదు..
    మీ విజ్ఞ్తకు ధన్యవాదాలు.... :)

    ప్రత్యుత్తరంతొలగించు
  3. @శ్రీధర్ >>panilo pani gaa mee pani chesuku pothunnaru..
    అంటే ఏంటి?
    @విజయ్-
    చాలా బాగా వివరించి రాసారు..Keep it up

    ప్రత్యుత్తరంతొలగించు
  4. Hi Vijay garu,

    Very nice to meet you atlast through this blog. Thank you very much for the information provided. It was very useful and hope will be for the people who visit your blog as well

    ప్రత్యుత్తరంతొలగించు
  5. వావ్ : అసలు గ్రహాల గురించి ఇంత వివరంగా, అదీ సందర్భోచితంగా వివరిస్తూ చాలా బాగా వివరించారు. పురోహిత అనుభవాలను, ఆధ్యాత్మిక విలువలను షేర్ చేయడానికి మీరే మాకు కరెక్ట్. సబ్జెక్ట్ ఎంత ఉన్నా అది అందరికీ అర్థమయ్యే రీతిలో , చదవడానికి ఇంట్రెస్ట్ పుట్టేలా వ్రాయడం గొప్పతనం. అది మీలో చూస్తున్నాను. ఇలాంటి విషయాలు తెలుసుకోవాలని నాకు ఎప్పటినుంచో ఇంట్రెస్ట్. కానీ ఈ బ్లాగులో చదువుతుంటే అర్థమయినంతగా ఎక్కడా నేను చూడలేదు. ఇంత మంచి వెబ్లాగు ను నడుపుతున్న మీ నాలెడ్జ్ షేరబుల్ మైండ్ కు నా ధన్యవాదములు.

    నా ఫోరమ్ : http://mahigrafix.com/forum
    నా బ్లాగులు: http://mahigrafix.blogspot.com
    http://superblogtutorials.blogspot.com

    ప్రత్యుత్తరంతొలగించు
  6. అందరికీ ( నమ్మకమున్నవారికి ) ఉపయోగకరంగా రాస్తున్నారు అభినందనలు .

    ప్రత్యుత్తరంతొలగించు
  7. sir,
    my name is trinadh sarma, the subject what is presented by u on this blog is a very beautiful, i am working as a engineer, personally i am doing this poojas to my relatievs and i experienced the benifites of this stotrams. right now i had a confidence some one is like me are trying to boost up the sanatanadharma. i am a small guy compard to you. thnk u sir

    my no 9700971991
    chetussagara paryantam go bhrahmanebhyah subham bhavatu aagirasa bharhaspatya bhardwajasa trya rushaya pravaranvita bhardwaja gothrodbwavasya samaveda sekhadyaei srinivasa trinadasarma aham bho abhivaday.

    ప్రత్యుత్తరంతొలగించు

నానుండి కాస్త ఆలస్యంగా స్పందన రావచ్చు. అన్ని ప్రశ్నలకు సమాధానం చెప్పే సమయం నాకు లేదు. అవసరమైన వాటికి తప్పక స్పందిస్తాను. అఙ్ఞాతలు చేసే అనవసర వ్యాఖ్యలని నిర్మొహమాటంగా తొలగిస్తాను. భారతీయ ధర్మముల పట్ల నమ్మకం లేని వారికి ఇది సరిఅయిన ప్రదేశం కాదు.